Türkmen oba hojalyk instituty agrohimiýa we topragy öwreniş kafedrasy tarapyndan guralýan ösümlikleri goramak boýunça I internet ders bäsleşiginiň geçiriljekdigini yglan etdi.
Bäsleşik 10-njy aprelde şahsy görnüşde bolar. Oňa ugruna, hünär taýýarlygyna garamazdan, ýurduň ähli ýokary okuw mekdepleriniň 3–5-nji ýyl talyplary gatnaşyp biler. Her okuw mekdebi düzümi bäş sany talypdan köp bolmadyk topary hödürläp biler. Gatnaşyjylary hasaba almak işi 1-nji aprele çenli dowam eder: topar we jogapkär mugallym baradaky maglumatlary ýokary okuw mekdebiniň tohi_tm@sanly.tm elektron salgysyna ibermelidir.
Bäsleşigiň şertlerine görä, talyplara 50 soragdan ybarat test hödürlener we olary çözmek üçin 90 minut wagt berler. Ýeňijiler şahsy we toparlaýyn hasapda toplanan ballaryň esasynda kesgitlenip, degişli derejeli diplomlar bilen sylaglanar. Bäsleşigiň düzgünnamasy we goşmaça maglumatlar bilen institutyň resmi saýtyndan tanşyp bilersiňiz.
Olimpiadanyň esasy maksatlary zehinli ýaşlary ýüze çykarmakdan, agrar pudagyndaky ylmy barlaglary höweslendirmekden, şeýle hem Türkmenistanyň ýokary okuw mekdepleriniň arasyndaky hünär gatnaşyklaryny berkitmekden ybaratdyr.
Goşmaça maglumat almak we guramaçylyk topary bilen habarlaşmak üçin:
- Telefon belgileri: +993 65 86-79-67; +993 65 27-62-37.
- Elektron poçta: tohi_tm@sanly.tm.
