Kurt Wonnegutyň ilkinji romany bolan «Mehaniki pianino» (Player Piano) esasynda çeper film surata düşüriler. Filmiň režissýory Rid Morano bolar, ssenariýasyny bolsa Metýu Woker ýazar diýip, Deadline neşiri habar berýär.
Roman ilkinji gezek 1952-nji ýylda «Utopiýa 14» ady bilen neşir edilipdi. Eserdäki wakalar alternatiw 1950-nji ýyllarda bolup geçýär we antiutopik dünýäni suratlandyrýar. Onda dünýäde ýola goýulýan awtomatizasiýa adamlary iş ýerlerinden gysyp çykarýar we sosial bölünişige sebäp bolýar. Jemgyýet ikä bölünip, adamlaryň aglabasy robotlar arkaly ýurtlary dolandyrýan menejerler sebäpli işsiz galýarlar. Netijede baş gahryman ýa-ha ýagdaýyň içine siňip, işiňi dowam etdirmeli ýa-da adamzadyň geljeginiň hatyrasyna oňa garşy çykmaly diýen aňsat bolmadyk saýlawyň öňünde galýar.
«Häzirki wagtda ekrana geçirmek üçin mundan has wajyp hem döwrebap kyssa ýok» — diýip, Morano belleýär. Ol Wonnegutyň romanynyň, aýratyn-da emeli aňyň ynsan zähmetiniň gymmaty baradaky düşünjelere has ýiti täsir edýän häzirki şertlerinde örän möhümdigini ýatladýar.
Kurt Wonnegutyň ýarym asyr öň döreden öňdengörüji romany esasynda film düşüriler
- şu gün 17:03
- 376
