Şäher durmuşy garynjalary üýtgetdi: indi olaryň iýmit dannaýşy peselýär

Şäherlerdäki durmuş şertleri janly organizmleriň ýaşaýyş ýörelgelerini mazaly üýtgedýär. Alymlaryň anyk maglumatlaryna görä, şäherleşmek ýagdaýy garynjalaryň hem iýmitleniş endiklerine täsir edip, olaryň uglewod çeşmelerini saýlamakdaky talapkärligini peseldipdir.
Bu ylmy barlag şäher ýerlerinde köp duşýan adaty gara bag garynjasyna bagyşlandy. Gözlegleriň netijeleri Urban Ecosystems žurnalynda neşir edildi.
Alymlar işçi garynjalaryň dürli konsentrasiýaly şeker erginlerine nähili reaksiýa berýändigini barladylar. Oba ýerlerinde ýaşaýan garynjalar pes süýjülikdäki erginlerden ýüz öwrüp, iň süýji tagamlylary saýladylar. Şäher garynjalary bolsa, hatda iň az süýjülikdäki erginleri hem işdämenlik bilen kabul etdiler.
Barlagçylar munuň sebäbini şäherdäki ösümlikleriň yssylyk, topragyň hapalanmagy we emeli yşyklandyryş zerarly yzygiderli stres ýagdaýynda bolýandyklary bilen düşündirýärler. Netijede, şäher şertlerinde mör-möjekler üçin iýmitiň hili peselýär. Şäher garynjalary ýokary hilli uglewodlaryň gytçylygy bilen ýüzbe-ýüz bolansoňlar, «näme berilse, şony al» diýen ýörelgä eýerýärler.
Ylymda ýokary hilli iýmite öwrenşen jandarlaryň pes hilli iýmitden ýüz öwürmek ýagdaýyna «otrisatel kontrast» diýilýär. Oba garynjalarynda bu häsiýet aýdyň ýüze çykýan bolsa-da, şäher garynjalarynda ol wagt geçdigiçe ýitip gidipdir.