Türkmenistanyň Prezidenti Serdar Berdimuhamedow Eýran Yslam Respublikasynyň Prezidenti Masud Pezeşkiana we ýurduň halkyna milli baýram — Ynkylap güni mynasybetli gutlag hatyny ýollady. Bu barada TDH habar berýär.
Döwlet Baştutany öz ýüzlenmesinde Türkmenistan bilen Eýrany köpasyrlyk gatnaşyklaryň baglanyşdyrýandygyny belledi. Serdar Berdimuhamedow hoşniýetli goňşuçylyk, dostluk we özara hormat goýmak ýörelgelerine esaslanýan ikitaraplaýyn gatnaşyklaryň iki ýurduň halklarynyň bähbidine mundan beýläk-de yzygiderli ösdüriljekdigine ynam bildirdi.
Şu ýakymly mümkinçilikden peýdalanyp, Türkmenistanyň Prezidenti Masud Pezeşkiana berk jan saglyk, bagtyýarlyk we abadançylyk, Eýranyň halkyna bolsa mundan beýläk-de rowaçlyk we gülläp ösüş arzuw etdi.
Serdar Berdimuhamedow Eýrany milli baýramy bilen gutlady
- 11.02.2026 11:52
- 5.4k+
