Ozal hem habar berşimiz ýaly, Ilon Maskyň SpaceX kompaniýasy Marsy eýelemek meýlini ikinji orna süýşürip, ünsüni Aýa gönükdirdi. Indi milliarder Aýda öz-özüni ösdürýän şäheriň taslamasy barada çynlakaý pikir ýöredýär.
Onuň pikiriçe, Ýeriň tebigy hemrasynda ilatly nokady 10 ýyla-da ýetirmän gurup bolar. Gyrmyzy planetada şeýle şäheri gurmak üçin 20 ýyldan gowrak wagt sarp etmeli bolardy.
Maskyň aýtmagyna görä, kompaniýanyň wezipesi «biziň bilşimize görä aňymyzy we durmuşymyzy, ýyldyzlara ýaýratmakdan» ybaratdyr. Ol Marsa uçuşlaryň diňe her 26 aýdan bir gezek gaýtalanýan planetalaryň belli bir ýere jemlenen wagtynda mümkindigini, uçuşyň özüniň bolsa takmynan alty aýa çekýändigini düşündirdi. Aýa uçuşlary bolsa her 10 günden bir gezek amala aşyryp bolýar we uçuş bary-ýogy iki gije-gündiz çemesi dowam edýär. Hut şulardan ugur alyp, Mask Aý şäheriniň gurluşygyny Marsdakydan has çalt tamamlap biljekdigini nygtaýar.
Gepiň gerdişine görä, ol SpaceX-iň Marsda şäher gurmak pikirinden hem ýüz öwürmeýändigini we bu taslama takmynan bäş-ýedi ýyldan başlamagy meýilleşdirýändigini-de nygtap geçdi.
Ilon Mask 10 ýyla ýetirmän Aýda şäher gurup boljakdygyny aýdýar
- şu gün 11:20
- 2.4k+
