2026-njy ýylyň 9-njy fewralynda Türkmenistanyň Daşary işler ministriniň orunbasary Mähri Bäşimowa BMG-niň Türkmenistandaky Hemişelik utgaşdyryjysy Dmitriý Şlapaçenko hem-de Merkezi Aziýa döwletleriniň Türkmenistandaky Ilçileri bilen duşuşyk geçirdi. Bu barada Türkmenistanyň DIM-iniň metbugat gullugy habar berýär.
Duşuşygyň dowamynda Türkmenistanyň Birleşen Milletler Guramasy we onuň ýöriteleşdirilen edaralary bilen alyp barýan köptaraplaýyn hyzmatdaşlygynyň ileri tutulýan meseleleri ara alnyp maslahatlaşyldy.
Gepleşikleriň dowamynda Aşgabatda ýakyn wagtda geçiriljek Merkezi Aziýa ýurtlarynyň ýaş diplomatlary we beýleki döwlet gullukçylary üçin ikinji sebitleýin okuw maslahatyna taýýarlyk görmegiň meselelerine aýratyn üns berildi. Taraplar bu çäräni üstünlikli geçirmek barada pikir alyşdy.
BMG-niň Hemişelik utgaşdyryjysy we Merkezi Aziýa ýurtlarynyň Ilçileri bilen duşuşyk geçirildi
- şu gün 19:21
- 362
