Rekord däl, medal döwüldi: Olimpiadada şwesiýaly lyžaçynyň kümüş medaly üçe bölündi

Italiýada geçirilýän 2026-njy ýylyň Olimpiýa oýunlarynda şwesiýaly lyžaçy Ebba Anderssonyň kümüş medaly skiatlon ýaryşyndan soňky sylaglaýyş dabarasynyň edil yz ýanynda döwüldi. Bu barada SVT teleýaýlymy habar berýär.
Andersson 10 km aralyga klassik hem erkin usulda geçirilen ýaryşda öz watandaşy Frida Karlssondan 51 sekunt yza galyp, ikinji ýeri eýeledi. Sylaglaýyş dabarasyndan soň, olimpiýa çempionynynyň yzyndan ýetjek bolup ylgap barýan türgen gyzyň medaly lentasyndan sypyp, garyň üstüne gaçypdyr-da, bölek-bölek bolupdyr.  
«Içimden: «Bu näme boldugyka?! Nähili elhenç ýagdaý...» diýip pikir etdim. Soňra medalyň böleklerini ýygnajak boldum, emma üç bölegiň biri başga tarapa uçup gitdi, häzirem şo ýerlerde ýatan bomaly. Ahyry gözlemämizi goýduk. Guramaçylar şeýle ýagdaýlar üçin ätiýajy göz öňüne tutandyr-da hernä» diýip, Andersson SVT teleýaýlymyna beren interwýusynda aýtdy.
Biz Milandaky we Kortina-d'Ampessodaky gyşky Olimpiýa oýunlarynyň medallarynyň nähili we nämeden ýasalandygy barada ozalky habarlarymyzyň birinde-de aýdyp geçipdik.
XXV Gyşky Olimpiýa oýunlarynyň açylyş dabarasy 7-nji fewrala geçilýän gije bolupdy. Ýaryşlar 22-nji fewralda tamamlanar.