Ýewropanyň iň uly futbol ýaryşy bolan UEFA Çempionlar ligasynyň täze möwsüminiň umumy tapgyryna gatnaşmaga hukuk gazanan 29 topar belli boldy.
Bu gezek turnirde iň köp topar bilen Angliýa we Ispaniýa wekilçilik eder. Olaryň hersinden 5 klub gatnaşar.
Täze ulgama görä, umumy tapgyrda jemi 36 topar bäsleşer. Galan 7 sany ýollanma tomusda geçiriljek saýlama oýunlarynyň netijesinde kesgitleniler.
Häzirki wagtda gatnaşyjy toparlaryň sanawy:
Angliýa (5): «Arsenal», «Mançester Siti», «Mançester Ýunaýted», «Aston Willa», «Liwerpul».
Ispaniýa (5): «Barselona», «Real Madrid», «Wilýarreal», «Atletiko Madrid», «Betis».
Germaniýa (4): «Bawariýa», «Borussiýa Dortmund», «Leýpsig», «Ştutgart».
Italiýa (4): «Inter», «Napoli», «Roma», «Komo».
Fransiýa (3): «PSŽ», «Lans», «Lill».
Niderlandlar (2): PSW, «Feýenord».
Portugaliýa (2): «Portu», «Sporting».
Belgiýa (1): «Brýugge».
Çehiýa (1): «Slawiýa».
Türkiýe (1): «Galatasaraý».
Ukraina (1): «Şahtýor».
Möhüm seneler we final: Çempionlar ligasynyň umumy tapgyry 2026-njy ýylyň 8-nji sentýabryndan 2027-nji ýylyň 27-nji ýanwaryna çenli dowam eder. Häzirki dowam edýän möwsümiň çempiony bolsa 30-njy maýda Budapeştiň «Puşkaş Arena» stadionynda «PSŽ» we «Arsenal» toparlarynyň arasynda geçiriljek final oýnunda belli bolar.
