Apple kompaniýasy iPhone 16 seriýasynyň ähli modelleriniň sertifikasiýalaşdyrylan abatlanan görnüşlerini satyp başlady. Enjamlar modeline görä 12% - 22% aralygynda arzan satylýar. Ozal önümçiligi bes edilen iPhone 16 Pro we 16 Pro Max modelleri üçin hödürlenýän bahalar aýratyn amatly görünýär.
Dikeldilen modelleriň bahalary:
- iPhone 16 — 619 dollar (täzesi 699 dollar, satuwa çykan wagty bolsa 799 dollardy);
- iPhone 16 Plus — 699 dollar (täzesi 799 dollar, başlangyç bahasy 899 dollardy);
- iPhone 16 Pro — 759 dollar (satuwa çykan wagty 999 dollardy);
- iPhone 16 Pro Max — 929 dollar (satuwa çykan wagty 1199 dollardy).
Resmi taýdan abatlanan iPhone-yň bahasy enjamyň täzesinden känbir tapawutlanmaýar diýen ýaly. Apple-iň maksatnamasyna täze akkumulýator goýmak we daşky korpusyny çalyşmak işleri girýär. Smartfonlar doly synagdan geçirilýär we arassalanýar, şeýle hem resmi gutuda täze USB-C kabeli bilen bilelikde hödürlenýär. Bu enjamlara öndürijiniň standart bir ýyllyk kepillendirmesi degişlidir, mundan başga-da AppleCare+ giňeldilen ätiýaçlandyryşyny hem satyn alyp bolýar.
