Apple kompaniýasy mart aýynda tamamlanan çärýek üçin rekord maliýe netijelerini yglan etdi. Bu üstünligiň esasy sebäbi täze iPhone 17 modellerine bolan çenden aşa ýokary isleg boldy.
Hasabat döwründe kompaniýanyň jemi girdejisi 111,2 milliard dollar, peýdasy bolsa 29,6 milliard dollar boldy. Kompaniýanyň baş direktory Tim Kuk: «Şu gün Apple kompaniýasynyň taryhynda mart çärýegi boýunça iň oňat netijeleri habar berýändigine buýsanýarys» diýip belledi we çärýekleýin girdejiniň rekord derejä ýetendigini nygtady.
Kuguň aýtmagyna görä, çärýegiň dowamynda iPhone satuwlary dünýäniň ähli ýurtlarynda iki belgili sanlar bilen (azyndan 10% we ondan ýokary) ösüş görkezdi. Şeýle hem, hyzmatlar bölüminiň girdejisi taryhda iň ýokary sepgidine ýetdi.
Maliýe hasabatlary kompaniýanyň ýolbaşçylygyndaky garaşylýan üýtgeşmeleriň öňüsyrasynda mälim edildi. Tim Kuguň ýylyň ahyrynda baş direktor wezipesinden gitmegine garaşylýar. Onuň ornuny sentýabr aýynda 50 ýaşly Jon Ternus eýelär. Kuk bolsa öz gezeginde direktorlar geňeşiniň ýolbaşçysy wezipesine geçer.
