Tesla kompaniýasy ýylda bir milliona çenli adam şekilli Optimus robotlaryny göni Frimontdaky zawodynda işläp düzmegi meýilleşdirýärdi. Emma robotyň tas ähli zerur şaýlarynyň Hytaýda öndürilýändigi bu süýji arzuwy, näler islemese-de, ony ajy hakykatyň ýüzüne bakmaga mejbur etdi.
Morgan Stanley-iň seljerijileriniň hasaplamalaryna görä, eger Mask hytaý kärhanalarynyň hyzmatyndan ýüz öwürse, robotyň bahasy 46 müň dollardan 131 müň dollara çenli galar. Ol bolsa, robotyň bahasynyň takmynan 20 müň dollar töweregi boljakdygyny eýýäm wada beripdi.
Hytaý tarap öndürijini diňe bir şaýlary — priwodlar, motorlar, reduktorlar, görüş ulgamlary üpjün etmek bilen çäklenmän, eýsem ýeňillikleri, subsidiýalary we ylmy-barlag goldawlaryny hem berýärler. ABŞ-da bolsa roboty diňe düzmek işleri geçirilýär. Tesla hatda Apple-den mysal alyp, hytaý kompaniýalary bilen hyzmatdaşlyk zynjyryny-da gurupdy.
Robot bazary gitdigiçe «amerikan beýnisi» we «hytaý bedeni» diýen iki bölege bölünip barýar. Has takygy, ABŞ fizikany düşünmäge ukyply bolan intellekti döredýär, Hytaý bolsa elýeterli komponentleri we ýygnama işlerini üpjün edýär.
Bolmaz, bolsa-da arzan bolmaz: Maskyň million robotly arzuwy paşmajaga meňzeýär
- düýn 23:52
- 672
