Вышел первый в 2026 году номер электронного журнала «Arkadagly Ýaşlar»

Türkmenistanyň Magtymguly adyndaky Ýaşlar guramasynyň Merkezi geňeşiniň ýanyndaky «Arkadagly Ýaşlar» elektron žurnalynyň 2026-njy ýyldaky ilkinji sany okyjylara gowuşdy. Neşir «Garaşsyz, baky Bitarap Türkmenistan — bedew batly at-myradyň mekany» şygary astynda geçýän ýylyň ilkinji aýynyň wakalaryny beýan edýär.
Žurnalyň täze sanynda esasy üns atçylyk sungatyna gönükdirildi. «Dünýä ykrarydyr türkmen bedewi!» atly makalada «Galkynyş» milli at üstündäki oýunlar toparyna abraýly şahadatnamalaryň gowşurylyşy barada söhbet edilýär. Şeýle hem sanda Gulbaba adyndaky çagalar baýragynyň ýeňijilerini sylaglamak dabarasy we Watan goragçylarynyň gününe bagyşlanan makala ýerleşdirildi.
Ykdysadyýet bölümi wirtual aktiwleriň ornaşdyrylmagy we täze banknotlaryň çykarylmagy baradaky tekstler bilen tanyşdyrýar. Halkara hyzmatdaşlygy ulgamynda bolsa döwlet edaralarynyň ÝUNESKO bilen gatnaşyklary barada makala çap edildi.
Medeniýet bölüminde heýkeltaraş Saragt Babaýewiň we Türkmenistanyň halk ýazyjysy Amangözel Şagulyýewanyň döredijiliginiň seljermesi, şeýle hem milli küýzegärlik mekdebiniň ösüşi baradaky makalalar bar.
Žurnalyň jemleýji bölegi dürli tagamlaryň taýýarlanyş usullaryny, täleýnamany, «Ýaş waspçy» bäsleşiginiň netijelerini hem-de elektron žurnalyň redaksiýasy tarapyndan ýaşlaryň arasynda yglan edilen täze döredijilik bäsleşiginiň bildirişini öz içine alýar.