«Universal» studiýasynyň «Forsaž» kinosagasynyň iň soňky bölümi 2028-nji ýylyň 17-nji martynda amerikan prokatyna çykar. Bu barada «Deadline» neşiri habar berýär.
Seriýanyň on birinji filmi resmi taýdan «Forsaž ebedi» (Fast Forever) diýlip atlandyryldy. Taslamanyň režissýory hökmünde Lui Letterýe bellenildi, Dominik Torettonyň keşbine bolsa ýene-de Win Dizel gaýdyp geler. Häzirki wagtda geljekki filmiň sýužeti barada jikme-jik maglumatlar ýok.
Filmiň önümçilik döwri yza süýşürmeler bilen ýüzbe-ýüz boldy: surata düşüriş işleri 2025-nji ýyla meýilleşdirilen hem bolsa, onuň möhletine birnäçe gezek gaýtadan seredildi. 2001-nji ýylda başlanan franşizanyň öňki bölümi tomaşaçylara 2023-nji ýylda hödürlenipdi. Onunjy filmiň kassa ýygymy 715 mln dollara barabar boldy.
«Forsažyň» jemleýji bölüminiň çykjak senesi belli boldy
- 02.02.2026 16:21
- 7.3k+
