Britaniýanyň Reincubate kompaniýasy Apple garşy şikaýat bilen kazyýete ýüz tutdy. Ol korporasiýany patent hukuklaryny bozmakda we smartfony web-kamera hökmünde ulanmak tehnologiýasyny göçürmekde aýyplaýar.
Şikaýatçy tarapyň tassyklamagyna görä, Apple 2022-nji ýylda durmuşa geçiren «Continuity Camera» funksiýasyny Reincubate tarapyndan 2020-nji ýylda çykarylan «Camo» goşundysynyň işläp taýýarlamalaryna esaslanyp döredipdir.
Şikaýatda Apple-iň işgärleriniň «Camo» goşundysyny işjeň ulanandyklary, tehniki maglumatlary sorap alandyklary we taslamanyň ösmegine itergi berendikleri-de görkezilýär. Emma soňra Apple meňzeş funksiýalary öz ulgamynda ornaşdyryp, üçünji taraplaýyn programma üpjünçilikleri üçin sazlaşyklylygy çäklendiripdir. Muňa garamazdan, amerikan kompaniýasynyň wekilleri bu tehnologiýany öz içki işläp taýýarlamasy hasaplaýar.
«Şeýlelikde Reincubate kompaniýasyndan çetleşen bolup, goşmaça sazlaşyklylygyň öňüni ýapan Apple ýönekeýje ýol bilen «Camo» funksiýalaryny milliardlarça iPhone, Mac, iPad, telewizor we beýleki enjamlara ornaşdyrdy» diýip, Reincubate-iň baş direktory Eýdan Fitspatrik öz arz etmekleriniň sebäbini düşündirýär.
Eger Reincubate kazyýet derňewinde ýeňiş gazansa, ol Apple-den kompensasiýa tölegini alyp biler.
Reincubate kompaniýasy Apple-i web-kamera funksiýany ogurlamakda aýyplady
- şu gün 16:12
- 282
