YouTube emeli aň arkaly döredilen kontenti «arassalap» başlady

YouTube platformasy emeli aňyň kömegi bilen döredilen pes hilli kontentleri bozup başlady. Şu sebäpli platformadan eýýäm iki uly kanal ýitdi diýip, «The Verge» neşiri habar berýär.
Wideomontaž üçin «Kapwing» hyzmatynyň hasabatyna görä, 5,9 million agzasy bolan CuentosFacianantes kanaly bozuldy. Bu kanalyň umumy tomaşa sany 1,2 milliarda ýetýärdi. Şeýle-de, 5,8 milliondan gowrak ulanyjynyň agza bolan Imperio de Jesus akkaunty YouTube-dan aýryldy.
Bu arassalaýyş işleri YouTube-yň baş direktory Nil Mohan pes hilli emeli aň kontentleriniň ýaýramak meselesi barada aýdandan soň başlandy. Ol ulanyjylara iberen hatynda platformanyň spam we klikbeýt bilen göreşmek mehanizmlerini kämilleşdirmek arkaly, «emeli aň zibilleriniň» ýaýramagyny çäklendirmekçidigi barada habar berdi.
Täze düzgünler 16 sany kanala täsir etdi. Olaryň käbirleri doly bozuldy, käbirlerinde bolsa aýry-aýry wideolar ýitdi. Beýle akkauntlaryň arasynda her biriniň 2 milliondan gowrak agzasy bolan Heroes de Fantasia, Adhamali-0 we Roupa25 ýaly kanallar bar.
Mundan ozal Kapwing YouTube-daky wideolaryň 20%-den gowragynyň «emeli aň zibillerine» degişlidigini mälim edipdi. Şeýle kanallara jemi 220 milliondan gowrak adam agza bolan, olaryň umumy tomaşa sany bolsa, takmynan, 63 milliarda barabar.