«Ýaş tebigatçy» jemgyýetçilik guramasy «Watan» gazetiniň redaksiýasy bilen bilelikde Türkmenistanyň Garaşsyzlygynyň 35 ýyllygy mynasybetli «Bagy-bossan Watanym!» atly döredijilik bäsleşigini yglan etdi.
Bäsleşik ýurduň tebigatynyň gözelligini gorap saklamak, tebigy baýlyklardan rejeli peýdalanmak, daşky gurşawyň abadançylygyna goşant goşmak hem-de ýaş nesillerde ekologiýa medeniýetini kemala getirmek baradaky işleri gazet sahypalarynda çap etmäge gönükdirilendir.
Bäsleşige gatnaşmaga «Ýaş tebigatçy» jemgyýetçilik guramasynyň resmi agzalary çagyrylýar. Bäsleşige ozal hiç ýerde çap edilmedik we başga bäsleşiklere hödürlenmedik makalalar, goşgular, kyssa eserleri hem-de dürli žanrlardaky döredijilik işleri kabul edilýär.
Işleriň mazmuny ýurduň «ýaşyl» ösüşine, Garaşsyz Watanymyzda parahatçylyga we tebigatyň abadançylygyna, daşky gurşawy gorap saklamaga her bir adamyň goşýan şahsy goşandyna, şeýle hem «Garaşsyz, baky Bitarap Türkmenistan – bedew batly at-myradyň mekany» şygary astynda geçýän 2026-njy ýylyň üstünliklerine bagyşlanyp bilner.
Gatnaşyjylar öz işleri bilen bilelikde özleri baradaky maglumatlary: okaýan ýa-da işleýän ýerini, öý salgysyny we habarlaşmak üçin telefon belgilerini ibermelidir.
Döredijilik eserleri «“Bagy-bossan Watanym!” atly döredijilik bäsleşigine» diýen ýazgy bilen watan@sanly.tm elektron poçtasy boýunça 2026-njy ýylyň 16-njy sentýabryna çenli kabul edilýär. Bäsleşigiň netijeleri 2026-njy ýylyň sentýabr aýynda jemlener.
Ýeňijilere Hormat hatlary we gymmatly sowgatlar gowşurylar.
Habarlaşmak üçin telefon belgileri: 38-61-05, 38-61-07, 38-61-16, 38-61-17, 39-84-30.
«Ýaş tebigatçy» we «Watan» gazeti döredijilik bäsleşigini yglan etdi
- düýn 18:06
- 1.2k+
