15-nji martda geçiriljek «Oskar» baýragynyň gowşurylyş dabarasynda «Iň oňat özboluşly aýdym» ugry boýunça dalaşgär görkezilen bäş aýdymyň diňe ikisi janly görnüşde ýerine ýetiriler. Bu barada Variety neşiri Kinematografiýa sungatlary we ylymlary akademiýasynyň hatyna salgylanyp habar berýär. Munuň sebäpleri hökmünde efir wagtynyň ýetmezçiligi we teleýaýlymyň gurluşyndaky üýtgeşmeler görkezilýär.
«Iň gowy original aýdym» kategoriýasyndaky dalaşgärler:
- «Dear Me» («Daýan Worren: boýun egmezek» filminden)
- «Golden» («Keý-pop: melgun awçylary» filminden)
- «I Lied to You» («Günäliler» filminden)
- «Sweet Dreams of Joy» («Viva Verdi» filminden)
- «Train Dreams» («Otlularyň düýşleri» filminden)
Sahnada diňe «Golden» we «I Lied to You» aýdymlary ýaňlanar. Çeşmeleriň maglumatyna görä, bäş dalaşgäriň janly çykyşy şüweleňiň meýilnamasyna ýene, takmynan, 25 minut goşardy. Şertnama boýunça bolsa baýrak gowşurylyş dabarasy 3,5 sagat dowam etmeli.
2025-nji ýylyň ahyrynda Netflix platformasy «Keý-pop: melgun awçylary» (K-Pop: Demon Hunters) multfilmine 500 milliondan gowrak adamyň tomaşa edendigini mälim etdi. Bu eser — strimingiň taryhynda iň köp tomaşa edilen doly göwrümli filmdir. Altyn globus baýragynda bu multfilm «Iň oňat animasion film» we «Iň oňat aýdym» ugurlarynda ýeňiji boldy.
