27-nji ýanwarda Türkmenistanyň Döwlet gümrük gullugynyň Merkezi edarasynda döwlet sylaglarynyň gowşuryş dabarasy geçirildi. Gullugyň resmi saýtynyň habar berşi ýaly, bu çäre Watan goragçylarynyň güni mynasyberli geçirildi.
Ýurduň Belent Serkerdebaşysynyň Permanyna laýyklykda, gullukda tapawutlanan harby gullukçylaryň birnäçesi Türkmenistanyň «Mälikguly Berdimuhamedow» medaly, Türkmenistanyň «Watana bolan söýgüsi üçin» medaly, Türkmenistanyň «Watan öňündäki birkemsiz harby gullugy üçin» medalynyň II we III derejeleri bilen sylaglandylar. Olara nobatdaky ýokary harby atlary dakyldy.
Sylaglara we harby atlara mynasyp bolan gümrükçiler Türkmenistanyň Prezidentine hem-de Türkmenistanyň Halk Maslahatynyň başlygyna tüýs ýürekden minnetdarlyk bildirip, mundan beýläk-de Watana ak ýürekden gulluk etjekdiklerine ynandyrdylar.
Döwlet gümrük gullugynyň harby gullukçylaryna Döwlet sylaglary we nobatdaky harby atlary gowşuryldy
- 30.01.2026 19:55
- 6.5k+
