29-njy ýanwarda Türkmenistanyň Daşary işler ministrliginde daşary işler ministriniň orunbasary Mähri Bäşimowanyň Gruziýanyň Türkmenistandaky Adatdan daşary we Doly ygtyýarly ilçisi Konstantin Sabiaşwili bilen duşuşygy boldy.
Gepleşikleriň dowamynda diplomatlar ikitaraplaýyn hyzmatdaşlygyň möhüm meseleleri boýunça pikir alyşdy. Iki döwletiň arasynda ýola goýlan syýasy-diplomatik gatnaşyklaryň ýokary derejesi bellenildi.
Taraplar söwda-ykdysady gatnaşyklary giňeltmek meselelerine aýratyn üns berdi. Ileri tutulýan ulgamlarda hyzmatdaşlygy işjeňleşdirmäge gyzyklanma bildirilýändigi tassyklanyldy. Mundan başga-da, taraplar Türkmenistanyň we Gruziýanyň arasyndaky parlamentara hyzmatdaşlygy ösdürmegiň mümkinçiliklerini ara alyp maslahatlaşdy.
Türkmenistanyň DIM-inde Gruziýanyň ilçisi bilen duşuşyk geçirildi
- 30.01.2026 18:15
- 1.1k+
