29-njy ýanwarda Aşgabatda daşary işler ministrleriniň orunbasarlarynyň derejesinde türkmen-rus syýasy geňeşmeleriniň nobatdaky tapgyry geçirildi. Bu barada Türkmenistanyň Daşary işler ministrligi habar berdi.
Gepleşiklere Türkmenistanyň daşary işler ministriniň orunbasary Ahmet Gurbanow we onuň russiýaly kärdeşi Mihail Galuzin gatnaşdy. Taraplar ikitaraplaýyn gatnaşyklaryň häzirki ýagdaýyny ara alyp maslahatlaşyp, bu gatnaşyklaryň strategik häsiýetini we oňyn ösüş dinamikasyny belledi.
Diplomatlar ikitaraplaýyn we köptaraplaýyn görnüşdäki, hususan-da, BMG-niň we GDA-nyň çäklerindäki hyzmatdaşlygyň netijeliligini tassyklady. Duşuşykda «Merkezi Aziýa – Russiýa» formatyndaky hyzmatdaşlyga aýratyn üns berildi. Gatnaşyjylar 2025–2026-njy ýyllar üçin Türkmenistanyň Daşary işler ministrligi bilen Russiýa Federasiýasynyň Daşary işler ministrliginiň arasyndaky Hyzmatdaşlyk Maksatnamasynyň esasynda ministrlikleriň arasyndaky gepleşikleri berkitmäge gyzyklanma bildirýändigini tassyklady.
Duşuşygyň ahyrynda edaralaryň wekilleri sebitdäki durnuklylygyň we howpsuzlygyň möhüm meselelerine seretdi.
Aşgabatda türkmen-rus syýasy geňeşmeleri geçirildi
- şu gün 18:11
- 449
