Redmi Turbo 5 Max seriýanyň taryhynda ilkinji gezek flagman derejesindäki ultrases barmak yzy skanerine eýe bolar.
Xiaomi kompaniýasynyň prezidenti Lu Weýbiniň aýtmagyna görä, skanirlemek işi dem salym pursatda— ekrandaky beýleki sensorlardan 30% has çalt amala aşyrylar.
«Ol barmagyňy ekrana çalaja degirdigiň takyk tanamagy başarýar. Skaneriň amatly ýerleşişi enjamy bir el bilen aňsat we oňaýly dolandyrmaga mümkinçilik berýär» diýip, kompaniýanyň ýolbaşçysy gürrüň berdi.
Täze Redmi üçin eýýäm öňünden sargytlar kabul edilip başlandy. Resmi tanyşdyrylyş dabarasy bolsa ertir, 29-njy ýanwarda geçiriler.
Skaner bilen bir hatarda, smartfon täze nesliň 6,83 dýuymlyk «Super Sunlight» ekranyna eýe bolar. Bu ekran açyk Gün şöhlesiniň astynda ulanmak üçin örän amatlydyr.
Redmi Turbo 5 Max örän çalt işleýän ultrases barmak yzy skaneri bilen enjamlaşdyrylar
- şu gün 13:37
- 724
