Netflix boks boýunça dünýäniň öňki absolýut çempiony Saul «Kanelo» Alwares barada doly göwrümli dokumental filmi çykarmagy meýilleşdirýändigini habar berdi.
Filmiň önümçiligi bilen «Golden Steýt» klubunyň basketbolçysy Stefen Karri tarapyndan 2018-nji ýylda esaslandyrylan «Unanimous Media» kompaniýasy meşgullanar. Režissýor wezipesine Huan Kamilo Krus bellenildi.
Eseriň esasy mowzugy Kanelo bilen Gennadiý Golowkiniň arasynda bolan hem professional boks dünýäsinde uly gyzyklanma döreden üç sany tutluşyk (trilogiýa) hakynda bolar.
Ozal habar berlişi ýaly, Alwaresiň indiki tutluşygyny 12-nji sentýabrda Er-Rýad şäherinde geçirmek meýilleşdirilýär. Boksçynyň garşydaşynyň ady soňrak yglan ediler.
Netflix boksçy Saul «Kanelo» Alwares barada film taýýarlaýar
- 26.01.2026 09:29
- 2.9k+
