OpenAI kompaniýasy özüniň girdeji modelini düýpli özgertmek barada pikirlenýär. Kompaniýanyň maliýe direktory (CFO) Sara Fraýaryň aýtmagyna görä, geljekde iri kompaniýalar diňe bir ChatGPT ulanandyklary üçin däl, eýsem şol tehnologiýanyň kömegi bilen gazanan peýdalaryndan hem göterim (roýalti) berip bilerler.
Sara Fraýar bu täze ykdysady modeliň, aýratyn-da ylym, saglygy goraýyş we maliýe ýaly pudaklarda netijeli boljakdygyny belleýär. Mysal üçin: Eger bir derman öndüriji kompaniýa OpenAI-yň emeli aňyny ulanyp, täze bir derman oýlap tapsa we ony satyp başlasa, OpenAI şol dermanlaryň satuwyndan belli bir göterim alar.
Bu model «netijä esaslanýan nyrhlandyrma» (outcome-based pricing) diýlip atlandyrylýar. Ýagny, OpenAI diňe müşderi girdeji gazananda gazanýar.
Öňler OpenAI-yň diňe bir esasy hyzmatdaşy (Microsoft), bir çip üpjünçisi (Nvidia) we bir sany abuna görnüşi (ChatGPT Plus) bardy. Emma 2026-njy ýyla gelip, kompaniýa indi birnäçe bulut hyzmatlary we dürli çip öndürijileri bilen işleýär. Sora wideogeneratory , korporatiw çözgütler we ylmy barlag platformalarynyň sany artdy.
Ösüşiň öňündäki iň uly päsgelçilik — hasaplaýyş kuwwatynyň (compute) ýetmezçiligi we ony saklamagyň ägirt uly çykdajylarydyr.
Mundan başga-da, OpenAI 2026-njy ýylda diňe bir peýdadan paý almak däl, eýsem, ChatGPT-niň mugt we arzan bahaly tariflerinde mahabatlary ýerleşdirmek hem-de elektron söwda (E-commerce) amallaryndan göterim almak ýaly usullary synagdan geçirýär.
