Ýaponiýa iň uly atom elektrostansiýadaky reaktory işe girizenden soň ony gysga wagtda togtatdy

Ýaponiýanyň Niigata prefekturasynda ýerleşýän we dünýäde iň uly hasaplanýan «Kasiwadzaki-Kariwa» atom elektrik stansiýasynyň reaktory gaýtadan işe girizilenden birnäçe sagat soň ýene-de wagtlaýyn togtadyldy. Bu barada BBC neşiri elektrik stansiýanyň operatory Tokyo Electric Power Company (TEPCO) kompaniýasyna salgylanyp habar berýär.
TEPCO-nyň wekilleriniň aýtmagyna görä, 6-njy reaktoryň işe girizilen wagtynda  ýagdaýy durnukly bolsa-da, nämüçindir birnäçe sagatdan howply duýduryş signaly ýaňlanypdyr. 
Aslynda reaktoryň işe girizilmegi sişenbe gününe meýilleşdirilipdi, ýöne signal bilen bagly tehniki meseleler sebäpli yza süýşürildi. Reaktoryň täjirçilik maksatly ulanylyşy fewral aýynda başlamaly.
Bu 2011-nji ýylda «Fukuşima» betbagtçylygyndan soňkystansiýada gaýtadan işe girizilen ilkinji reaktordyr. Şol gezek bolup geçen 9,0 ballyk ýer titremesi radiasiýanyň syzylmagyna sebäp bolup, Ýaponiýada 150 müňden gowrak adamy öýlerini terk etmäge mejbur edipdi.
6-njy reaktoryň ýapylmagyndan soň, TEPCO onuň ýagdaýynyň durnuklydygyny we daşky gurşawa radiasiýa täsiriniň ýokdugyny nygtady. Kompaniýa häzirki wagtda signala nämäniň sebäp bolandygyny derňeýär. Reaktoryň haçan işläp başlajagy entek belli däl.