Geçen ýyl Günde dörän tegmil toplumlarynyň arasynda iň ulusy «hiç zat galmazdan diýen ýaly» ýitdi. Bu barada RYA-nyň Kosmos gözlegleri institutynyň we Gün-Ýer fizikasy institutynyň Gün astronomiýasy barlaghanasynyň metbugat gullugy habar berdi.
Gürrüň 4294-4296-4298 belgili Gün tegmilleriniň toplumy barada barýar – olar noýabryň ahyrynda Gün diskiniň görünýän tarapyna çykdy. Olardan iň ulularyň göwrümi Ýeriň diametrinden birnäçe esse uludy.
Dekabryň başynda tegmiller toplumy Gün – Ýer merkezi çyzygyndan geçip, adatdan daşary asuda ýagdaýda galdy. Iň ýokary derejesinde onuň meýdany, takmynan, 2300 birlige (Gün ýarym şarynyň milliondan bir bölegi) ýetdi – bu taryhda iň uly görkezijileriň biri.
«Deňeşdirip görsek, geçen hepde güýçli hadysalary, şol sanda XXI asyrda iň uly radiasiýa tupanyny döreden 4341 sebitiniň meýdany şol wagt bary-ýogy 500 birlige deňdi» – diýip, alymlar düşündirýär.
Adatça, tegmilleriň sanynyň azalmagy alawlamalaryň sanynyň azalandygyny ýa-da olaryň düýbünden ýokdugyny aňladýar.
Şol bir wagtyň özünde, RYA-nyň Kosmos gözlegleri instituty ýiten tegmiller toplumynyň bir gezek hem uly zyňyndylara sebäp bolmandygyny – ähli energiýanyň we massanyň Gün tarapyndan özüne siňdirilendigini belledi.
