Ý.Nuryýew, başga işe geçýändigi sebäpli, Türkmenistanyň Döwlet serhet gullugynyň başlygy, serhet goşunlarynyň serkerdebaşysy wezipesinden boşadyldy. Prezident Serdar Berdimuhamedow degişli resminama 21-nji ýanwarda Döwlet howpsuzlyk geňeşiniň giňişleýin göçme mejlisiniň barşynda gol çekdi. Bu barada «Watan» habarlar gepleşiginde habar berildi.
Türkmenistanyň Döwlet serhet gullugynyň başlygy wezipesine bu gullugyň başlygynyň orunbasary polkownik Ilaman Ilamanow bellenildi.
Mejlisiň barşynda harby we hukuk goraýjy edaralaryň ýolbaşçylarynyň gözegçilik edýän düzümlerinde geçen, 2025-nji ýylda alnyp barylan işleriň netijelerine garaldy.
