Science Advances žurnalynda çap edilen täze gözleg Amerika ilkinji göçüşligiň alternatiw düşündirişini hödürleýär. Ondan çen tutsaň, ilkinji amerikaly bolmak islän adamlaryň buzly Beringiýadan geçmegiň ýerine, deňiz baýlyklaryny özleşdirip, Demirgazyk-Gündogar Aziýanyň we Ýuwaş ummanyň kenary arkaly hereket edip bilmekleri-de mümkindi.
Ýapon we amerikan alymlary ýerli amerikanlaryň ata-babalary takmynan 25,000 ýyl mundan ozal Demirgazyk-Gündogar Aziýada dörän bolmaly. Şeýle-de arheologlar olaryň uzak wagtlap izolýasiýa edilen döwrüniň Hokkaýdo, Sahalin we Kuril adalarynyň kenarýaka zolagynda geçendigini. ol ýerlerde bolsa howanyň Beringiýanyň buzluk sebitlerine garanyňda mylaýym bolandygyny çaklaýarlar.
Hokkaýdoda we Demirgazyk Amerikada tapylan daş uçlarynyň we pyçaklarynyň arasyndaky meňzeşlik hem ýokardaky çaklamany tassyklaýar. Çünki 18,000–20,000 ýyl mundan ozal dörän bu gurallara görnüşli we ýasalyş usuly boýunça meňzeşler bar. Beringiýada Şeýle tehnologiýalar 14,000 ýyl mundan ozal, has soňrak peýda bolýar. «Şunlukda, tehnologiýa akymy pikir edilişi ýaly däl-de, tersine Demirgazyk-Gündogar Aziýadan Amerika gelýär» diýip, ylmy işgärler belleýärler.
Soňky güýçli buzluk döwründe Beringiýanyň üsti bilen içerki ýollarda gezelenç etmek örän kyn bolupdyr. Şeýle-de bolsa, Ýapon adalaryndaky tapyndylar 35,000 ýyl mundan ozalky adamlaryň deňizçilik başarnyklarynyň näderejede bolandygyny görkezýär.
Alymlar irki göçüp gelenleriň gönümel genetiki yz galdyrmadyk bolmagynyň mümkindigini-de nygtaýarlar. «Biz Amerikanyň ilatlaşmagynda möhüm rol oýnap ýa ýitip, ýa siňip giden gümürtik populýasiýanyň gürrüňini edýäris.» diýip, olar öz gözlegleriniň sebäbini düşündirýärler.
