2025-nji ýylyň ikinji ýarymynda dünýäde emeli aňyň ýaýramagynyň täze derejesi hasaba alyndy: indi neýroulgamdan Ýer ýüzüniň ilatynyň 16,3%-i, ýagny her altynjy adam peýdalanýar. Şeýle maglumatlar Microsoft AI Economy Institute-yň hasabatynda getirilýär.
Gürrüň emeli aňyň işde, okuwda we gündelik işlerde ulanylmagy baradadyr.
Resminama görä, Global Demirgazykda emeli aňy işe ukyply ilatyň 24,7%-i ulanýar, bu bolsa 14,1% netije beren Global Günortanyň görkezijisinden iki essse diýen ýaly ýokarydyr. Soňky alty aýda Demirgazykda ösüş depgini tas iki esse ýokary boldy, şol sebäpli tapawut 9,8 göterim punktdan 10,6 göterim punkta çenli artdy.
Emeli aňy, esasan, sanly infrastruktura we döwlet goldaw programmalaryna ir maýa goýup başlan ýurtlar işjeň ornaşdyrýar. Öňdebaryjy Birleşen Arap Emirlikleri bolmagynda galýar, bu ýerde EA-ny işe ukyply ilatyň 64%-i ulanýar. Onuň yzyndan Singapur (60,9%), Norwegiýa, Irlandiýa, Fransiýa we Ispaniýa gelýär.
Ösen EA modellerini işläp düzmekde öňdebaryjydygyna garamazdan, ABŞ ony ornaşdyrmagyň derejesi boýunça 24-nji orunda ýerleşýär – 28,3%. Hasabatda munuň esasy ugurlary sanlaşdyrmak derejesiniň beýleki lider ýurtlar bilen deňeşdirilende pesdigi bilen baglanyşyklydygy bellenilýär.
Ýarym ýylda 25-nji orundan 18-nji orna çykan Günorta Koreýa uly ösüş görkezdi. Bu işjeň döwlet syýasaty, koreý dilinde EA-nyň ösüşi we tehnologiýanyň mekdeplere, döwlet hyzmatlaryna we iş proseslerine ornaşdyrylmagy bilen baglanyşyklydyr. Ýurt ChatGPT üçin iň çalt ösýän ýurtlaryň biri boldy we hatda Seulda OpenAI-iň ofisiniň açylmagyna getirdi.
Şol bir wagtyň özünde, DeepSeek hytaý platformasy hem öz ornuny güýçlendirýär. Mugt çat-bot Huawei bilen hyzmatdaşlygy netijesinde Hytaýda, Russiýada, Eýranda we Afrika ýurtlarynda ulanyjylary çalt ýygnaýar. Hasabatda munuň ABŞ bilen Hytaýyň arasynda diňe bir milli EA platformalaryny işläp düzmekde däl, eýsem dünýäde ýaýratmakda-da artýan bäsdeşligi görkezýär.
