«Marti Beýik» (Марти Великолепный) filminiň amerikan prokatynda kassa ýygymy 80 mln dollara ýetdi. Bu hem ony ABŞ-nyň kinoteatrlarynda A24 studiýasynyň iň köp girdeji gazanan taslamasyna öwürdi.
Ozal kompaniýanyň filmleriniň arasynda birinji orny 2021-nji ýylda çykan «Hemme zat hemme ýerde we birbada» filmi eýeleýärdi. Ol ABŞ-da 77 mln dollar ýygnady. Şol bir wagtyň özünde, onuň dünýädäki kassa ýygymy 142 mln dollar boldy. Häzirki wagtda «Marti Beýik» filminiň dünýäde umumy girdejisi 97 mln dollara ýetdi, ýöne filmiň heniz ähli ýurtlarda çykmandygyny göz öňünde tutsaň, halkara girdejiler entek ýokarlanyp biler.
Film öz arzuwyny hasyl etmek üçin töwekgelçilikli ädimleri ätmäge taýýar bolan stol tennisi boýunça dünýä çempiony Marti Reýsman barada gürrüň berýär. Filmde baş keşbi Timoti Şalame («Dýuna») ýerine ýetirdi.
Belläp geçsek, A24 studiýasy awtorlyk filmleriniň we garaşsyz taslamalaryň önümçiligi we prokaty bilen meşgullanýar.
