Threads sosial ulgamlaryň bazarynda orunlaryň paýlanyşyny sessiz we ynamly üýtgedip başlady. 2026-njy ýylyň ýanwaryna çenli Meta-nyň platformasynyň auditoriýasy 320 mln işjeň ulanyjydan geçdi – bary-ýogy bir aýda ösüş 30 mln ulanyjydan gowrak boldy.
Sosial ulgamyň güýçlenýän mahaly, onuň bäsdeşi X (öňki Twitter) ters ugurda hereket edýär: Ilon Maskyň sosial ulgamynyň gündelik işjeň ulanyjylarynyň sany bir ýylda tas 12% azaldy, Threads bolsa bu döwürde 38% ýokarlandy.
Tapawut mobil gurluşlarda hem görünýär. Ýanwar aýynyň ilkinji 13 gününde Threads-yň ortaça gündelik mobil auditoriýasy 143,2 mln adama ýetdi. X-iň bu görkezijisi 126,2 mln adama çenli azaldy. Öwrülişik pursaty geçen ýylyň 5-nji sentýabrynda boldy: şol wagt Threads ilkinji gezek mobil ulanyjylaryň sany boýunça X-den öňe geçipdi.
Üýtgeşmeler mahabat berijilere hem täsirini ýetirýär. Brendler durnukly platforma hökmünde Threads-y köp saýlap başlady. Şonuň bilen baglylykda, 2024-nji ýylda X-iň mahabat girdejisi 2,4 mlrd dollara çenli düşdi, bu bolsa bir ýyl ozalkydan 13,7% azdyr.
