30-njy ýanwarda Aşgabadyň Magtymguly adyndaky Milli sazly drama teatrynda Tahyr Ataýewiň ýolbaşçylygyndaky kirişli sazlar orkestriniň konserti geçiriler. Köpçülige hödürlenjek "Saýlanan eserler" (Избранное) atly maksatnama orkestriň öňki çykyşlarynyň iň şowly we meşhur saz eserlerinden düzüldi.
Konsertiň maksatnamasyna dünýä klassykasynyň genji-hazynalary, türkmen kompozitorlarynyň döredijiligi, şeýle hem meşhur kinofilmleriň sazlary girizildi. Hususan-da, diňleýjiler Nikolo Paganini, Hans Simmer, Dario Marianelli, Nury Halmämmedow we Daňatar Hydyrow ýaly ussatlaryň eserlerinden lezzet alyp bilerler.
Saz muşdaklary üçin dünýä belli filmleriň sazlary aýratyn sowgat bolar. Maksatnamada şu aşakdaky ekran eserleriniň saz temalary ýerine ýetiriler:
- "Awatar";
- "Ýüzükleriň hökümdary";
- "Anna Karenina";
- "Eýe bolmak" (Одержимость);
- "Ussat we Margarita" (Мастер и Маргарита).
Konsert sagat 19:00-da başlanýar.
Biletleri satyn almak boýunça şu telefon belgilerine ýüz tutup bilersiňiz:
- 55 90 15;
- (+993) 62 53 28 71.
