"Blumhouse" we "Warner Bros." kompaniýalary "Mumiýa" filminiň ilkinji tizerini köpçülige hödürlediler.
Taslamanyň režissýory Li Kronin ("Eýmenç ölüleriň gozgalaňy" filmi bilen tanalýan) täze eseri "Poltergeýst" ruhundaky gorkuly film (horror) bilen Dewid Finçeriň stilindäki garaňky detektiwiň gibridi hökmünde häsiýetlendirýär.
Filmiň ýordumy çölde dereksiz ýitip giden žurnalistiň ýaş gyzynyň töwereginde gurulýar. Sekiz ýyl geçenden soň, gyz garaşylmadyk ýagdaýda öýüne gaýdyp gelýär. Emma maşgalanyň gaýtadan duşuşmagynyň şatlygy kem-kemden hakyky eýmençlige öwrülýär.
Kronin bu filmiň nusgawy "Mumiýa" filmleriniň remeýki (gaýtadan işlenmesi) däldigini nygtaýar. Taslama mumiýalamagyň az belli bolan taraplaryna we gadymy Müsür miflerine ünsi jemläp, taryhyň täzeçil beýany hökmünde göz öňünde tutulýar.
Filmde baş keşpleri Jek Reýnor, Laýýa Kosta, Meý Kalamawi, Natali Greýs we Weronika Falkon dagy janlandyrýarlar. Li Kronin filmiň ssenarisini hem özi ýazdy. Taslamanyň prodýuserleriniň biri bolsa Jeýms Wandyr ("Byçgy", "Astral").
"Mumiýa" filminiň dünýä premýerasy 2026-njy ýylyň 15-nji apreline meýilleşdirilýär.
