Internetde «28 ýyl soň: Süňk ybadathanasy» (28 лет спустя: Храм костей) horror filmine ilkinji halkara synlar peýda boldy. Film 16-njy ýanwarda kinoteatrlarda görkeziler.
Habar çykan wagty filmiň Rotten Tomatoes-de reýtingi 93%-di. Tankytçylar onuň garaňky we dartgynly atmosferasyna, şeýle-de aktýorlar Jek O’Konnelliň we Reýf Faýnsyň oýunlaryna ýokary baha berdi.
Film geçen ýyl çykan «28 ýyl soň» filminiň baş gahrymany, ýetginjek Spaýkyň (Alfi Uilýams) hekaýatyny dowam etdirýär. Täze bölümde ol Jimmi Kristalyň (O’Konnell) syrly bir toparyna goşulýar we ýene gahar wirusy bilen baglanyşykly wakalaryň merkezine düşýär.
Film Nia DaKosta («Kapitan Marwel 2») tarapyndan düşürildi. Ssenarini Aleks Garlend ýazdy. Şeýle-de, filmde «28 gün soň» filminiň ýyldyzy Killian Mýorfi kameo hökmünde peýda boldy.
