Ýaponiýada mümkin bolan irki parlament saýlawlary baradaky çaklamalar sebäpli ýena 2024-nji ýylyň iýul aýyndan bäri dollara garşy iň pes derejä düşdi. Bu barada Bloomberg bu barada habar berdi.
«Sişenbe güni ýapon walýutasy 0,5% pese gaçdy we 2025-nji ýylyň ýanwarynda bellenen 158,87 pes derejesindende aşak düşdi. Şonuň ýaly-da, ähli egri girdejileri bilen birlikde hökümet obligasiýalary hem ymykly peseldi» diýip, çeşmede aýdylýar.
Agentlik geçirilmegi mümkin bolan saýlawlaryň Ýaponiýanyň premýer-ministri Sanae Takaitiniň pozisiýasyny güýçlendirip biljekdigini belleýär. Analitikleriň pikiriçe, onuň syýasy täsiriniň artmagy milli walýutanyň has-da gowşamagyna getirip biler.
Bilermenleriň pikiriçe, ýena 2026-njy ýylyň ahyryna çenli pese gaçmagyny dowam etdirip, bir dollaryň bahasy 160 ýenadan geçip biler. Olar bu depgini ABŞ bilen Ýaponiýanyň arasyndaky girdeji tapawudy, negatiw real göterim derejeleri we dowam edýän kapital akymy bilen delillendirýärler.
Financial Times gazeti ozal fewral aýynda Sanae Takaitiniň umumy parlament saýlawlaryny geçirmegi göz öňünde tutýandygyny habar beripdi. Gazetiň habaryna görä, onuň dalaşgärliginiň goldawy 30-40 ýaş aralygyndaky ýaponlaryň arasynda takmynan 70% -e deňdir.
2025-nji ýylyň 19-njy dekabrynda Ýapon Bankynyň gysga möhletli göterim derejelerini 0,5% -den 0,75% -e çenli ýokarlandyrandygyny bellemek gerek. Ýeri gelende aýtsak, bu soňky 30 ýylyň iň ýokary derejesidir.
