iOS 27 operasion ulgamynda dokuz sany täze emoji peýda bolup biler. Emoji standartlaryna we olaryň ähli platformalar üçin tassyklanmagyna jogap berýän Unicode konsorsiumy deslapky sanawy hödürledi.
Belli bolşy ýaly, Apple täze emojileri iOS-yň ýazky täzelenmeleri bilen bilelikde goşýar. iOS 27-niň çykmagy heniz uzakda bolsa-da, Unicode eýýäm indiki ýyl iPhone-da peýda bolup biljek dalaşgär emojileriň doly sanawyny hödürledi.
Deslapky sanawa girdi:
- gözüni alardýan ýüz;
- «başam barmagy ýokaryk» el çepi görkezýär;
- «başam barmagy ýokaryk» el sagy görkezýär;
- kebelek-monarh;
- duza ýatyrylan hyýar;
- maýak;
- meteor;
- bozguç;
- kebelek tutmak üçin tor.
Hödürlenen suratlar dizaýnerlik maketleriniň garalamasydyr. Emojiler resmi taýdan tassyklanandan soň, işläp düzüji kompaniýalar, şol sanda Apple we Google Unicode-yň suratlandyrmalary we görkezmeleri esasynda öz wizual wersiýalaryny döreder.
Elýeterli emojileriň toplumy giňeldigiçe, iPhone ulanyjylarynyň ýyllyk täzelenmelere bolan gyzyklanmasy azalýar. Muňa iOS 18-de her bir ulanyja tekst beýanynyň ýa-da bar bolan simwollary utgaşdyrmagyň kömegi bilen öz emojilerini döretmäge mümkinçilik berýän Genmoji funksiýasynyň işe girizilmegi-de täsir etdi.
Belläp geçsek, Apple 2025-nji ýylyň iýulynda Unicode tarapyndan tassyklanan emojileri hem entek goşmady. Olaryň iOS 26-nyň geljekki täzelenmeleriniň birinde peýda bolmagyna garaşylýar.
