Samsung emeli aňly täze sowadyjysyny tanyşdyrdy: ol iýmitleri seljerýär we reseptler hödürleýär

  • düýn 13:19
  • 1.8k+

Las-Wegasda geçirilen CES 2026 sergisinde Samsung kompaniýasy özüniň täzelenen Bespoke AI Refrigerator Family Hub sowadyjylar seriýasyny görkezdi. Bu enjam Google-yň Gemini atly giň göwrümli dil modeliniň kömegi bilen adaty aşhana enjamyndan akylly kömekçä öwrüldi.

Täze sowadyjynyň esasy aýratynlygy onuň kämilleşdirilen AI Vision ulgamydyr. Öňki wersiýalar diňe belli bir sanawdaky önümleri tanap bilen bolsa, Gemini ulgamy arkaly täze model:

  • Dürli brendleri, souslary we ýarym taýýar iýmitleri takyk seljerýär;
  • Ter we gaýtadan işlenen iýmitleriň çäksiz görnüşini tanaýar;
  • Sowadyjydaky önümleriň sanawyny awtomatik usulda täzeleýär (elde girizmek zerurlygy aradan aýrylýar).

Bu maglumatlar Samsung Food hyzmaty bilen utgaşyp, elindäki bar bolan ingrediýentlere esaslanyp, size iň amatly nahar reseptlerini hödürleýär. Bu bolsa azyk galyndylaryny azaltmaga we söwdany netijeli meýilnamalaşdyrmaga kömek edýär.
Sowadyjy diňe bir akylly däl, eýsem ulanmaga hem örän oňaýly:

  • Bixby sesli kömekçisi: "Aç" ýa-da "Ýap" diýen buýrugyňyz bilen gapy 90 gradusdan gowrak açylýar.
  • Hereketler (Gestures): Eliňiz meşgul wagty (mysal üçin, nahar bişirip durkaňyz), sowadyjyny ýönekeý hereketler arkaly dolandyryp bilersiňiz.

düýn 12:00
1.6k+

Google TV üçin Gemini: Telewizoryňyz indi sizi diňleýär we düşünýär

Telewizorlar diňe bir ekran bolmagyny bes edip, öýüňiziň akylly söhbetdeşlik hyzmatdaşyna öwrülýär. Google TV üçin täze Gemini täzelenmesi tehnika bilen gatnaşygy adaty bir söhbetdeşlik derejesine çykardy. Indi telewizoryň sazlamalaryny üýtgetmek üçin pult arkaly çylşyrymly menýularda wagt ýitirmek gerek däl...

25.12.2025 12:15
2.7k+

Emeli aň termoyadro plazmasyny modelirlemegi birnäçe günden sekuntlara çenli çaltlandyrdy

Alymlar termoýadro plazmasynyň modelirlemesini müňlerçe esse çaltlandyrmaga ukyply bolan emeli aň esasyndaky guraly tanyşdyrdylar. GyroSwin ulgamy Beýik Britaniýanyň Atomyň energiýasy boýunça müdirliginiň (UKAEA), Linssdäki Iogann Kepler uniwersitetiniň we Emmi AI kompaniýasynyň hünärmenleri tarapyndan işlenip düzüldi...

24.12.2025 14:38
3.5k+

Sony wideooýunlarda kontenti awtomatik süzgüçden geçirmek üçin EA işläp taýýarlaýar

Sony kompaniýasy wideooýunlarda we beýleki media faýllarda audiowizual kontenti süzgüçden geçirmek üçin niýetlenen emeli aň modelini patentledi. Tehnologiýa ulanyjynyň şahsy isleglerine we onuň käbir sahnalara duýgurlygyna esaslanyp, materiallary awtomatik usulda redaktirleýär we sazlaýar...

09.08.2025 14:51
2k+

DeepMind: Adamyňka meňzeş kognitiw ukyply AI ýakyn 5-10 ýylda peýda bolar

Köp sanly kognitiw wezipeleri ýerine ýetirmäge ukyply güýçli emeli aň (Artificial General Intelligence, AGI) ýakyn 5-10 ýylda işlenip düzülip bilner. Bu barada Google-yň AI bilen meşgullanýan bölümi bolan DeepMind-yň ýerine ýetiriji müdiri Demis Hassabis mälim etdi...