«Dykyn wagty» (Час пик) komediýa-ekşen filminiň dördünji bölümi Saud Arabystanynda, Hytaýda, şeýle-de Afrika ýurtlarynyň birinde düşüriler. Sýužet brakonýerlik bilen bagly meseläni gozgar.
Puck News neşiriniň ýazmagyna görä, filmiň üstünde şu ýylyň ýazynda ýa-da tomsunda işlenip başlanar. Prodýuserler eýýäm 100 mln dollarlyk býujeti üpjün etdi we ABŞ-da 4000 kinoekranda prokata goýbermek barada Paramount Pictures studiýasy bilen ylalaşyk gazandy.
Režissýorlyk kürsüsini ýene-de ilkibaşdaky trilogiýany düşüren Brett Retner eýelär. Baş gahrymanlar Jeki Çan we Kris Taker entek resmi taýdan şertnama baglaşmady, ýöne insaýderler aktýorlaryň bu taslama uly gyzyklanma bildirýändigini belleýär. Ähli kanuny resminama işleriniň önümçiligi gijikdirmezlik üçin ýakyn wagtda tamamlanmagyna garaşylýar.
