Mansory týuning atelýesi Audi RS 6-nyň binýadynda döredilen P1100 atly täze taslamasyny hödürledi. Uniwersal awtoulagyň kuwwaty 1100 at güýjüne çenli artdyryldy. Bu täzelenme modeliniň häzirki nesliniň önümçiliginiň tizara tamamlanmagyna gabatlap taýýarlanyldy.
Standart 4,0 litrlik V8 hereketlendirijisiniň kämilleşdirilmegi netijesinde, aýlaw pursaty 1250 Nm-ä (+400 Nm) çenli ýokarlandyryldy. Işläp düzüjiler awtoulagyň tizleniş häsiýetnamalaryny häzirlikçe aýan etmediler.
Super-uniwersalyň daşky görnüşi täze dizaýnly kuzow toplumy (body kit) bilen üýtgetdi: täze bamperler, yzky diffuzor, sport ganaty (spoiler) we 22 dýuýmlyk ýörite diskler gurnaldy. Ulagyň salony dolulygyyna pöwrize reňkli deri bilen örtüldi, potology bolsa "ýyldyzly asman" görnüşindäki LED yşyklandyryş bilen bezeldi.
Bu modifikasiýa programmasynyň bahasy gizlin saklanýar, ýöne Mansory eýýäm mundan hem has ekstremal týuning toplumynyň geljekdigini habar berdi.
Şol bir wagtyň özünde, Audi kompaniýasy RS 6-nyň indiki neslini synagdan geçirip başlady. 2011-nji ýyldan bäri ilkinji gezek bu model diňe bäş gapyly uniwersal däl-de, eýsem adaty sedan görnüşinde hem hödürlener.
