Mitsubishi kompaniýasy Ralliart bölümçesi bilen bilelikde döredilen korporatiw mahabatda geljekki modeliň tizerini görkezdi. Wideo brendiň sport üstünliklerine bagyşlandy, ýöne wideonyň ahyrynda täze bir ulagyň silueti görkezilýär. Bilermenleriň pikiriçe, ol Pajero-nyň indiki nesli bolup biler.
Wideo ralli ýaryşlaryndan arhiw wideolary we L200/Triton pikapy bilen bagly sahnalary öz içine alýar. Bu modelleriň tehniki baglanyşygyny göz öňünde tutup, bilermenler täze ulagyň bellenilen pikapyň esasynda döredilen Pajero Sport bolup biljekdigini hem çaklaýar.
Kadrlardan görnüşi ýaly, awtomobil burçly kuzowa, L200-iň stilinde dik radiator gözenegine we T şekilli faralara eýe boldy. Ulagyň daşky görnüşi tomusda görlen synag prototipine meňzeýär.
Gaýtadan dikeldilen Pajero-nyň rama gurluşyny we içinden ýandyrylýan hereketlendirijileri saklamagyna garaşylýar.
Giňişleýin maglumatlar 9-njy ýanwarda açylýan Tokio awtosalonynda mälim bolup biler.
