Mitsubishi Motors kompaniýasy Nissan brendi üçin iki modeliň önümçiligine başlady. Bu birikdirilýän gibrid enjamly Nissan Rogue krossoweri we Nissan Navara pikapydyr.
Rogue plug-in hybrid ulagynyň önümçiligi 12-nji ýanwarda Ýaponiýanyň Aýti prefekturasynyň Okadzaki şäherindäki Mitsubishi zawodynda başlady. Bu wersiýa Demirgazyk Amerikanyň bazary üçin niýetlenýär we 2026-njy ýylyň birinji çärýeginde satuwa çykarylar.
Navara pikapy 2025-nji ýylyň 20-nji dekabryndan bäri Tailandyň Laýem-Çabang şäherindäki Mitsubishi zawodynda çykarylýar. Okeaniýa sebitinde Nissan markasy bilen Navara-nyň satuwy 2026-njy ýylyň birinji çärýeginiň ahyryna meýilleşdirilýär.
Şertnama Nissan-a hususy önümçiligini işe girizmezden model hataryny giňeltmäge, Mitsubishi kompaniýasyna bolsa zawod mümkinçiliklerini giňden ulanmaga mümkinçilik berýär. Hyzmatdaşlyk birleşigiň pikaplary we elektrik energiýasyna geçmegi ösdürmek boýunça strategiýasynyň bir bölegidir.
Mundan başga-da, Mitsubishi hyzmatdaşlygyň çäklerinde täze Nissan LEAF-yň esasynda elektrik awtomobilini alar. Bu model 2026-njy ýylyň ikinji ýarymynda Demirgazyk Amerikanyň bazarynda hödürlener.
Ozal LEAF ulagy Women’s Worldwide Car of the Year tarapyndan «Iň gowy ykjam awtomobil» diýlip ykrar edildi.
