«Lionsgate» kinokompaniýasy «Jon Uik» franşizasynyň sýužetlerine esaslanan, AAA-ekşen žanryndaky ýokary býujetli wideooýnuny işläp taýýarlamaga resmi taýdan girişdi. Bu taslama hakyna tutma ganhor baradaky hekaýanyň töwereginde multimediýa ekoulgamyny döretmek boýunça uzakmöhletleýin strategiýanyň bir bölegi bolar.
«Lionsgate» wideo oýnunyň goýberilmegini seriýany kinematografiýanyň çäklerinden daşary giňeltmegiň möhüm tapgyry hökmünde garaýar. Häzirki wagtda taslama ilkinji tapgyrlarda barýar.
Oýun döredijiler Kianu Riwziň gatnaşmagyndaky kinofilmleriň "wizit kartasyna" öwrülen özboluşly «gan-fu» (ýaragly söweş sungaty) stilini oýnuň dowamynda gaýtadan döretmegi meýilleşdirýärler. Esasy üns dinamiki atyşyklara, ýekeme-ýeke söweşlere we materialyň kinematografik usulda berilmegine gönükdiriler.
Oýnuň PlayStation 5, Xbox Series X platformalarynda we şahsy kompýuterlerde (PC) köpçülige hödürlenmegine garaşylýar.
