Apple kompaniýasy 2025-nji ýylda 25 sany enjamynyň we aksessuarynyň önümçiligini bes etdi. MacRumors neşiriniň habar bermegine görä, käbir modeller önümçilikden doly aýryldy, beýlekileri bolsa täze nesil wersiýalary bilen çalşyryldy.
Önümçiligi bes edilenden 5–7 ýyl geçensoň, Apple enjamlary "wintaž" (vintage) derejesine geçýär — olary diňe ätiýaçlyk şaýlary bar bolan ýagdaýynda ygtyýarly hyzmat merkezlerinde abatladyp bolýar. Şondan iki ýyl geçensoň bolsa, olar "könelişen" (obsolete) hasaplanýar we resmi hyzmat goldawy doly bes edilýär.
iPhone 15 Plus modeli "Plus" seriýasynyň iň soňky wekili boldy. Bu modeller batareýasynyň durnuklylygy bilen tanalsa-da, baha taýdan "Pro" wersiýalaryna gaty ýakyn bolandygy üçin söwdasy pes boldy. "Plus" seriýasynyň ýerine has inçe iPhone Air geldi. Şeýle hem, Apple "Home" düwmesi bolan iň soňky model — üçünji nesil iPhone SE-niň önümçiligini duruzdy. SE seriýasynyň ýerine indi elýeterli "e" seriýasy hödürlenýär. Bu seriýanyň ilkinji smartfony iPhone 16e boldy. Insaýderleriň maglumatyna görä, Apple her ýylyň baharynda täze "e" modellerini çykarar; indiki model iPhone 17e bolup, ol 2026-njy ýylyň başynda tanyşdyrylar.
2025-nji ýylda önümçiligi bes edilen 25 önümiň sanawy:
iPhone:
- iPhone 16 Pro Max (iPhone 17 Pro Max bilen çalşyryldy)
- iPhone 16 Pro (iPhone 17 Pro bilen çalşyryldy)
- iPhone 15 Plus
- iPhone 15 (resmi önümçilik durdy, ýöne dükanlarda satuwy dowam edýär)
- iPhone 14 Plus
- iPhone 14
- iPhone SE 3 → iPhone 16e bilen çalşyryldy
iPad:
- iPad Pro M4 → iPad Pro M5
- iPad Air M2 → iPad Air M3
- iPad 10 → A16 çipli täze model
Apple Watch:
- Apple Watch Ultra 2 → Ultra 3
- Apple Watch Series 10 → Series 11
- Apple Watch SE 2 → SE 3
Mac:
- Mac Studio M2 Max/Ultra → M4 Max/M3 Ultra
- MacBook Pro 14 M4 → M5
- MacBook Air 13/15 M3 → M4
- MacBook Air 13 M2
Beýleki enjamlar we aksesuarlar:
- AirPods Pro 2 → AirPods Pro 3
- Apple Vision Pro M2 → Vision Pro M5
- MagSafe Qi 2 zarýad beriji enjamy → Qi 2.2
- USB-C adapteri (30 W) → Täze 40–60 W adapterler
- Lightning-3,5 mm ses kabeli → USB-C-3,5 mm kabeli
- Apple MagSafe adapteri → MagSafe 2
