«Haýwanlar şäheri 2» (Зверополис-2) dünýä prokatynda 1,4 mlrd dollardan gowrak ýygnap, taryhda iň köp girdeji gazanan animasion filmleriň bäşligine girdi. Muny The Numbers portalynyň maglumatlary delillendirýär.
Multfilmiň global premýerasy 26-njy noýabrda boldy. Prokatyň ilkinji dynç günleri ol 556 mln dollar gazandy. Kassa ýygymynyň ep-esli bölegini hytaý bazary üpjün etdi – 272 mln dollar. Taslamanyň býujeti 150 mln dollar boldy.
Ikinji bölüm polisiýa işgärleri Judi Hops bilen Nik Uaýldyň hekaýatyny dowam etdirýär. Sýužet boýunça gahrymanlar täze howp – şäheriň rahat durmuşyna howp salýan Geri atly ýylan bilen ýüzbe-ýüz bolar.
Multfilmiň režissýorlary Jared Buş we Baýron Howard eýýäm üçünji bölümiň ideýasynyň üstünde işleýändiklerini habar berdi. Olaryň aýtmagyna görä, täze bölüm tas on ýyl wagt alan «Haýwanlar şäheri 2-den» çalt çykyp biler.
Şeýle-de, iň girdejili animasion filmleriň bäşligine «Neçža-2» (2,2 mlrd dollar), «Tapmaça-2» (1,7 mlrd dollar), «Doňan ýürek-2» (1,5 mlrd dollar) we «Doganlar Super Mario kinoda» (1,3 mlrd dollar) girýär.
