Nýu-Ýork ştaty birnäçe sosial ulgamlary ulanyjylara olary ulanmagyň psihiki saglyk üçin zyýanly bolup biljekdigi barada duýdurmaga borçlandyrýan kanuny kabul etdi. Resminama onlaýn-platformalara gözegçiligi güýçlendirmek boýunça has giň halkara tendensiýasynyň bir bölegi boldy.
Ozal Awstraliýa 16 ýaşdan kiçiler üçin YouTube, TikTok ýaly sosial ulgamlara girişi çäklendiripdi. Indi şeýle ädim iň uly amerikan ştatlarynyň birinde-de kabul edildi.
Täze talaplar üznüksiz kontent lentasy we wideony awtomatik goýbermek funksiýasy bolan sosial ulgamlara degişlidir. Olaryň arasynda TikTok, Instagram, YouTube we beýleki platformalar bar.
Nýu-Ýork ştatynyň gubernatory Keti Hokulyň belleýşi ýaly, «ýaş adamlaryň ýarysy diýen ýaly sosial ulgamlaryň olary öz bedenine erbet garamaga mejbur edýändigini nygtaýar, sosial ulgamlary has işjeň ulanýan ýetginjekler bolsa iki esse ýygy-ýygydan öz psihiki saglygyna erbet ýa-da örän erbet diýip baha berýär.
Duýduryşlar ähli ulanyjylar üçin görkezilmeli. Öçürilip ýa-da sypdyrylyp bilinmeli däl. Talaplaryň berjaý edilmezliginiň her bir tassyklanan ýagdaýy üçin kompaniýalara 5 müň dollara çenli möçberde jerime salynýar.
