Glazgo uniwersitetiniň alymlary elektromagnit şöhlelenmesiniň 99,97%-den gowragyny yzyna serpikdirip bilýän örän inçe, çeýe we dury nanoplýonkany oýlap tapdylar. Bu material Wi-Fi we 5G signallarynyň täsir edýän şertlerinde geýilýän sensorlaryň, lukmançylyk enjamlarynyň we çeýe displeýleriň bökdençsiz işlemegini üpjün etmek üçin niýetlenendir.
Ylmy barlagyň netijeleri ACS Nano žurnalynda çap edildi. Berlen maglumatlara görä, awtorlar plastik esasyň ýüzünde kümüş nanosimleri tertipli ýerleşdirmek üçin faza aralygyndaky dielektroforez usulyny ulandylar. Ikinji tapgyrda bolsa, barlagçylar nanosimleriň galtaşýan nokatlaryny birikdirmek üçin gysga lazer impulslaryndan peýdalandylar. Bu tehnologiýa elektrik garşylygyny 46 esse azaltmaga we durylygy 10% ýokarlanmaga mümkinçilik berdi.
Synaglaryň gidişinde galyňlygy bary-ýogy 5,1 mikrometr bolan plýonka 2,2-den 6 GGs-e çenli ýygylyk aralygynda 35 desibelden gowrak gorag netijeliligini görkezdi. Taýýar önümiň durulygy 83%-e ýetdi.
Bu täze açyş elektronikany göwrümli metal gatlaklaryny ulanmazdan goramaga şert döredýär. Geljekde alymlar materialyň biologik gurşawlarda we uzak möhletli ulanylyşda özüni nähili alyp barjakdygyny öwrenerler.
