«Gaty geň zatlar» (Очень странные дела) serialy umumy tomaşa sany boýunça Netflix-iň taryhynda iň meşhur taslama boldy. Bäşinji möwsümiň jemleýji bölümleri çykmazdan öň, umumy tomaşa sany 1,2 milliarddan geçdi diýip, Variety habar berýär.
Doganlar Dafferiň taslamasy strimingiň «Kalmar oýny» we «Uensdeý» ýaly meşhur seriallaryndan öňe geçdi. Şol bir wagtyň özünde, bu seriallaryň käbir möwsümleri häzirem tomaşaçylar tarapyndan dowamyna garaşyp, işjeň gaýtadan görlen «Gaty geň zatlaryň» dördünji möwsüminden has ýokary netijeleri görkezýär.
Belläp geçsek, Netflix tomaşa sanyny adatydan üýtgeşik hasaplaýar: umumy tomaşa wagty serialyň doly dowamlylygyna bölünýär.
Ahyrky möwsüm üç tapgyrda çykýar: ilkinji dört bölüm 26-njy noýabrda elýeterli boldy, ýene üçüsi 25-nji dekabrda, jemleýji bölüm bolsa 31-nji dekabrda çykar.
Bäşinji möwsümiň wakalary 1987-nji ýylda bolup geçýär. Hokins şäheri harby gözegçiligiň astynda bolýar, baş gahrymanlar bolsa Wekna bilen aýgytly göreşe taýýarlanýar.
Möwsümiň birinji bölegi bäş günde 59,6 mln tomaşa ýygnady – bu Netflix-iň iňlis dilindäki seriallarynyň arasynda iň gowy başlangyçdyr.
Şol bir wagtyň özünde, «Keý-pop melgun awçylary» multfilmi 500 mln tomaşaçy görkezijisine ýetdi. Bu Netflix-iň iň köp görlen doly metražly taslamasy boldy. Multfilm ýarym milliard auditoriýa görkezijisini çykanyndan bäş aýdan soň diýen ýaly gazandy.
