Variety neşiri 2025-nji ýylyň iň ýaramaz filmleriniň sanawyny hödürledi. Reýting kino tankytçylary Ouen Glaýberman we Piter DeBrýuž tarapyndan düzüldi. Olaryň hersi öz garaýyşlary boýunça iň şowsuz bolan relizleriň «bäşligini» taýýarlady.
Oeun Glaýbermanyň sanawyna režissýor Ron Howardyň «Edem» filmi, Emma Tamminiň «Freddi bilen bäş gije 2» (Пять ночей с Фредди 2) sikweli, Mona Fastwoldyň «Anna Liniň wesýetnamasy» (Завещание Анны Ли) mýuzikli, Treý Edward Şulsyň «Soňky ertir» (Последнее завтра) filmi, şeýle-de Ronan Deý-Lýuisiň «Anemon» filmi girdi. Soňky filmde 8 ýyl arakesmeden soň aktýorlyk oýnuna «Oskar» baýragynyň üç gezek eýesi Deniel Deý-Lýuis gaýdyp geldi. Bu film onuň oglunyň režissýor hökmünde ilkinji işi boldy.
Piter DeBrýužyň pikiriçe, Maýk Fleneganyň «Çakyň durmuşy» (Жизнь Чака) filmi, doganlar Russo tarapyndan düşürilen «Elektrik ştat» (Электрический штат) taslamasy, režissýor Riç Liniň «Dünýäleriň urşy» (Война миров) filmi (prodýuser Timur Bekmambetow), Dýuk Jonsonyň «Aktýor» dramasy we Stiwen Soderbergiň «Barlyk» (Присутствие) horrory şowsuz çykdy.
Gyzykly ýeri, käbir abraýly tankytçylar Stiwen Kingiň powestine esaslanýan «Çakyň durmuşy» fentezi dramasyny «ajaýyp eser» we «taryhda iň çuňňur we owadan filmleriň biri» diýip atlandyrýar.
