Netflix «Kesgir gaşlar: Ölmez adam» («Острые козырьки: Бессмертный человек») doly metražly filminiň ilkinji tizerini hödürledi. Ol adybir serialyň dowamy bolar.
Platformada filmiň global premýerasy 2026-njy ýylyň 20-nji martyna meýilleşdirilýär, ýöne relizden birnäçe gün öň ABŞ-da çäkli kinoteatr prokaty başlar.
Filmiň wakalary Ikinji jahan urşy döwründe Birmingemde bolup geçýär. Sýužet gangster Tomas Şelbiniň köp wagtdan soň öz dogduk şäherine gaýdyp gelmegine ünsi jemleýär. Taslamanyň režissýory bolup Tom Harper çykyş etdi, ssenarini bolsa asyl serialy dörediji Stiwen Naýt taýýarlady.
Tomas Şelbiniň keşbini ýene-de «Oskar» baýragynyň laureaty Killian Mýorfi ýerine ýetirdi. Öz rollaryna Sofi Randl, Stiwen Grem we Ned Dennehi hem gaýdyp geldi. Şeýle-de, franşiza Rebekka Fergýuson, Tim Rot, Barri Keogan we Jeý Laýkurgo goşuldy.
Bu taslama soňky bölümleri dört ýyl ozal çykan alty möwsümden ybarat serialyň dowamynda ýaýbaňlanan wakany tamamlar. Doly metražly filmden başga-da, önümçilikde bu franşiza boýunça Şelbi maşgalasynyň täze nesline bagyşlanan ýene bir serial bar.
