Internetde «Ar alyjylar: Kyýamat güni» (Мстители: Судный день) filminiň ilkinji tizeri peýda boldy. Film 2026-njy ýylyň 18-nji dekabrynda daşary ýurt prokatyna çykar.
Wideo 90 sekunt töweregi dowam edýär. Onda «Ar alyjylar: Final» filminiň wakalaryndan soň Stiw Rojers/Kapitan Amerika başga wagt çyzygynda görkezilýär. Onuň keşbine Kris Ewans gaýdyp geldi.
Gahryman öýe gelýär, Kapitan Amerikanyň formasyny tapýar, soňra elinde çagany saklaýar. Tizeriň ahyrynda täze filmde Stiw Rojersiň gaýdyp gelmegi barada ýazgy peýda bolýar.
Ozal Kris Ewans franşizanyň dowamyna gatnaşýandygyny inkär edipdi. Ol «bagtly ýagdaýda pensiýa çykandygyny» aýtdy.
Filmiň esasy antagonisti Doktor Dum bolar. Onuň keşbini Robert Dauni-kiçi ýerine ýetirdi. Oňa Ar alyjylar, Fantastik dörtlük we Marvel äleminiň beýleki gahrymanlary garşy çykar.
Film üçin ssenarini Stiwen MakFili we Maýkl Uoldron ýazdy. Režissýorlar hökmünde ýene-de Entoni we Jo Russo çykyş etdi. Aktýorlar düzüminde Ien MakKelleniň ýerine ýetirmeginde Magneto, Fantastik dörtlügiň gahrymanlary, Gök gürrüldedijiler topary, Entoni Makiniň ýerine ýetirmeginde Kapitan Amerika we Letisiýa Raýtyň oýnamagynda Şuri bar.
