Universal Pictures kinokompaniýasy režissýor Kristofer Nolanyň «Odisseýa» epiki filminiň ilkinji treýlerini hödürledi. Filmiň global premýerasy 2026-njy ýylyň 17-nji iýulyna meýilleşdirilýär.
Film gadymy grek şahyry Gomeriň adybir poemasyna esaslanýar we Itakanyň şasy Odisseýiň syýahatyny gürrüň berýär. Ol öz goşuny bilen bilelikde Troýany basyp alandan soň, watanyna dolanmaga çalyşýar, ýöne ýolda dürli päsgelçilikler bilen ýüzbe-ýüz bolýar.
Filmi düşürmek işleri alty aý töweregi dowam etdi we Ýewropanyň Italiýa, Şotlandiýa ýaly dürli ýurtlarynda alnyp baryldy.
«Odisseýa» doly derejede IMAX kameralaryna düşürilen ilkinji doly metražly film boldy.
Baş keşbi Mett Deýmon ýerine ýetirdi. Şeýle-de, taslama Tom Holland, Zendeýa, Robert Pattinson, Enn Heteueý, Lupita Niongo, Şarliz Teron we Jon Berntal gatnaşdy. Film Nolanyň «Dýunkerkden», «Delilden» we «Oppengeýmerden» soň nobatdaky uly taslamasy bolar. Treýlerden görnüşi ýaly, tomaşaçylara gönüden-göni düşüriş meýdançasynda wizual effektlere üns bermek bilen döredilen uly taryhy film garaşýar.
